NIWIZERA UMWAMI YESU KRISTO URAKIRA

      Mbega woba urushe uremerewe n'ivyaha bo n'imyitwarariko y'ubuzima? Bibwire Yesu Kristu urakira (Matayo 11:28). Yesu niwe nzira n'ukuri n'ubugingo (Yohana 14:6). Subiramwo aya majambo wature ivyaha vyawe urakira:

1.      Mukiza, numvis’ijwi

Ryawe ry’imbabazi

Rimpamagara ngo nozwe

N’amaraso yawe.

Nditavye Yesu,

Ndaje Mukiza ;

Ngw’amaraso wavuye

Anyoz’antunganye.

2.      Ndazi ko mfis’ivyaha

Vyinshi mu mutima ;

Vyose ndabikuzaniye ;

Naw’ubinkureko.

3.      Kand’uramp’umutima

Wuzuy’urukundo,

Wuzuy’ukwizera kwose

N’amahoro menshi.

4.      Ndazi k’uzomfashisha

Imbabazi nyinshi,

Ivyo wansezeraniye

Bizoshika vyose.

5.      Nshim’amaraso yawe

Ankuyekw’ivyaha,

Mpimbazwa n’ubushobozi

Bunkiz’intege nke. AMEN

Dukwiye kumenya rero ko inyuma y'ubu buzima bwo kw'isi hariho ubundi buzima tuzobaho. Kubizeye Umwami Yesu Kristo bagatandukana n'icaha bazoja mw'Ijuru. Abanse kwihana nabo bazoja mu muriro. Tandukana n'ingeso mbi za kera urangwe n'ubuzima busha. Zimwe mu  ngeso mbi ni nk'izi: Ubusambanyi, ubwicanyi, ishari, amacakubiri, igono, kuraguza, kuroga, ubumaji, ibiturire, ubusuma (Ab'I Galatiya 5:19-21). Gira inyota yo kwuzura Mpwemu Yera kuko niwe azogushoboza kwama ivyamwa vy'agakiza, agushoboze gutahura ijambo ry'Imana.

Ushobora gusoma Bibiliya ahakurikira kugirango ufashwe mu nzira y'agakiza: Yohana 3:16; 1 Yohana 1:9, Zaburi 103:12; Zaburi 51; Zaburi 50:15-21, Zaburi 1:1-6.

Ndakwifurije gutangura umwaka wa 2016 uri mu gakiza kabonekera mu Mwami wacu Yesu Kristo.

Amacakubiri y'amoko akurwaho n'umusaraba (2)

Iyo rero umuntu amaze kwinjirwamwo n'umugera w'amacakubiri ico yoba ashingiyeko cose, usanga aca agira n'ubuhimbiri mu kwiyumvisha ko n'ivyiza biva ku Mana ariwe bibereye gusa. Ivyo turabibona mu gihe intumwa Petero yatumwa n'Imana kwa Koruneliyo (Ivyak/Actes 10:9-15), aho tubona ko nawe nyene yabanje kunana ko atoja kuvuga Ubutumwa mu bwoko bwitwa ko butakebwe, buzira (Ivyak/Actes 10:28). Petero amaze kugondozwa n'Ubushobozi bw'Imana akagenda kwa Koruneliyo yasanze we n'umuryango wiwe n'abandi bantu benshi kandi banyotewe kwumva Ijambo ry'Imana. Amaze kubabwira ubutumwa bwiza, arabasengera maze Mpwemu Yera abazako barahezagirwa. Petero ubwiwe yaratangaye kuko yarazi ko ata bandi bantu bashobora guhabwa Mpwemu Yera atariwe n'Abayuda benewabo. Muri make babona ko ivyiza biva ku Mana aribo bibereye! Na Yesu Kristo bari bazi ko ari Umukiza w'Ubwoko bw'Abayuda gusa. Petero rero abonye ko n'abandi bantu atari Abayuda bashobora kugiriranira  imigenderanire n'Imana kandi basenga mw'Izina rya Yesu Kristo aca aratangaza n'ijwi rirenga ati: 

"N'ukuri ni ho nkimenya yukw'Imana itarobanura abantu ku butoni, ariko mu mahanga yose ūyubaha , agakora ivy'ukugororoka, iramwemera." Ivyak/Actes 10:34-35

Abantu bose Yesu Kristo yarababambiwe ku Musaraba kugirango umwizera wese ntaze apfe rubi ariko ahabwe ubugingo budashira. Abari muri Yesu Kristo baba babaye umuryango umwe utaravye amoko, intara canke amamuko yabo.

Mu gihe Paulo yarukiye wasanga abantu banenana badashobora kwicarana ngo basangire canke ngo baramukanye bivanye n'amoko yabo. Bamwe bibaza ko aribo Imana ikunda, bakabona ko abandi ari ibizira. Paulo rero amaze kwakira Yesu Kristu nk'Umwami n'Umukiza wiwe yaciye yandikira abagalatiya n'Abakolosayi kugirango abamenyeshe ko abari muri Yesu baba bari umwe, ko umuzi wo kunenana no kwinubana uba ucitse.

"Aho ntihaba Umugiriki cank'Umuyuda, uwakebwe canke ūtakebwe, ūdebagura cank'Umusikiti, umugurano cank'uwidegemvya; ariko Kristo ni vyose, kand'ari muri bose." Ab'I Kolosayi 3:11

Ivyo dusomye aho hejuru rero kugirango umuntu abibone nuko aba yahinduwe musha akagira ubwenge bwo gutahura ivyo Imana igomba (Kolosayi 3:9-10). Umuntu amaze guhinduka akakira Yesu Kristo nk'Umwami n'Umukiza wiwe aca abona ko abantu bose baba Umwe mu gihe bahujwe na Yesu Kristo. Agatima ko kunenana karahava, ntawuboneka ko ari ikivuma canke ngo atera umukoshi.

"...; kuko mwese mur'umwe muri Kristo Yesu." Ab'I Galatiya 3:28 

Kenshi rero ivy'amacakubiri biva kuri Satani yinjira mu bantu urukundo rugahunga, maze abantu bagasigara biganziwe n'agatima ko kwikunda no guhahamira ubutunzi. Yakobo yarabonye ko imitongano canke gushwana mu bantu biva ku nyungu zabo bwite baba barondera. Ivyo bishobora no kugera aho intambara zaduka zihishije inyuma y'ico umuntu ari kandi vyukuri aba ari guhahamira amaronko:

"Muri mwebwe intambara ziva hehe, n'imitongano iva hehe? Mbega ntibiva mu bibahimbara birwanira mu ngingo zanyu?" Yakobo 4:1

Iyo rero hari amacakubiri abantu ntibakundane, usanga babayeho nabi, mu bwoba, mu bukene, ivyo basaba Imana ntibumva kuko baba bashaka ibibahimbara gusa (Yakobo 4:2-3)

Abantu rero bakwiye gukundana, kandi turabona ko bigoye cane ko haba urukundo nyarwo, rudashingiye ku maronko mu gihe abantu badahujwe n'Ijambo ry'Imana. Abarundi nibo bayamaze bati 'Ibigiye inama bigira Imana'. Abantu bashobora kuba umwe mu gihe bahujwe n'umusaraba wa Yesu Kristo bakakira agakiza bakarangwa n'urukundo AGAPE, urwo ntirufatira ku maronko.

Imana rero ikunda abantu bose kandi dutegerezwa natwe kugendera mu bugombe bw'Imana. Umuntu uwo ari wese atubaha Imana, naho yoba uwo muvukana mu nda arakubera umwansi. Ariko iyo muhujwe n'Umusaraba wa Yesu vyose bigenda neza naho mu buryo bw'umubiri, intara, agatumba muba mudasangiye na kimwe. Iyo rero umuntu atinya Imana asabwa no kugirira neza abo yibaza ko ari abansi (Matayo 5:44). Ivyo rero umuntu abishobozwa na Mpwemu Yera abonekera muri Yesu Kristu kuko ariwe aduha inkomezi akadushoboza vyose (Ab'I Filipi 4:13).

Fyonda kuri (1) usome igice ca mbere

Se tenir à la brèche pour l'oeuvre de Dieu

Dieu dit: "Je cherche parmi eux quelqu’un qui construise un mur, qui se tienne à la brèche devant moi en faveur du pays, pour que je ne le détruise pas, ..."  Ézéchiel 22:30

ça commence par moi, ça commence par toi, peux-tu faire un pas et te porter candidat et marcher selon le plan de Dieu pour voir la justice de Dieu s'accomplir en notre faveur?

Pouvons-nous être comme Esaie qui accepta d’être utilisé par Dieu tel qu'il était: "J'entendis la voix du Seigneur, disant: Qui enverrai-je, et qui marchera pour nous? Je répondis:Me voici, envoi-moi." (Ésaïe 6:8)

Péchés des chefs et du peuple d'Israël:

Chaque peuple ou individu qui se détourne des préceptes de Dieu est voué à la malédiction:

"La parole de l'Eternel m’a été adressée: «Fils de l’homme, dis à Jérusalem: ‘Tu es une terre non purifiée, non trempée par la pluie un jour de colère.’

Ses prophètes conspirent au milieu d’elle. Pareils à des lions rugissants qui déchirent leur proie, ils dévorent des vies, ils s'emparent des richesses et de biens précieux, ils multiplient les veuves au milieu d’elle. Ses prêtres font violence à ma loi et profanent ce qui m’est consacré. Ils ne distinguent pas ce qui est saint de ce qui est profane, ils ne font pas connaître la différence entre ce qui est impur et ce qui est pur, ils ferment les yeux sur mes sabbats et je suis déshonoré au milieu d'eux. Ses chefs sont, à l’intérieur d’elle, pareils à des loups qui déchirent leur proie: ils versent le sang, ils font disparaître des vies afin de faire des profits malhonnêtes. Ses prophètes recouvrent tout cela de crépi, par leurs fausses visions et leurs prédictions mensongères. Ils affirment: ‘Voici ce que dit le Seigneur, l'Eternel’ alors que l'Eternel n’a pas parlé. Quant à la population du pays, elle pratique l’exploitation, elle commet des extorsions, elle opprime le malheureux et le pauvre, elle exploite l'étranger au mépris de toute justice. Je cherche parmi eux quelqu’un qui construise un mur, qui se tienne à la brèche devant moi en faveur du pays, pour que je ne le détruise pas, mais je ne trouve pas. Je déverserai mon indignation sur eux, je les achèverai par le feu de ma fureur. Je ferai retomber leur conduite sur leur tête, déclare le Seigneur, l'Eternel." (Ézéchiel 22:23-31).

MESSAGE D'ESPOIR/ HARACARI IVYIZIGIRO 

Si votre Esprit vous convainc que vous marchez selon le plan de Dieu, n'ayez pas peur, le sort réservé à ceux qui ne marchent pas selon la volonté de Dieu vous est épargné. 

"L'âme qui pèche, c'est celle qui mourra. Le fils ne portera pas l'iniquité de son père, et le père ne portera pas l'iniquité de son fils. La justice du juste sera sur lui, et la méchanceté du méchant sera sur lui. Si le méchant revient de tous les péchés qu'il a commis, s'il observe toutes mes lois et pratique la droiture et la justice, il vivra, il ne mourra pas. Toutes les transgressions qu'il a commises seront oubliées; il vivra, à cause de la justice qu'il a pratiquée.Ce que je désire, est-ce que le méchant meure? dit le Seigneur, l'Éternel. N'est-ce pas qu'il change de conduite et qu'il vive?" (Ezéchiel 18:20-23)

Ne dis pas que tes péchés sont nombreux et qu'ils sont impardonnables, Dieu est prêt à te pardonner aussitôt que tu confesses de ta propre bouche. Il n'y a pas de péchés impardonnables sauf ceux qui ne sont pas confessés suite au refus d’obtempérer à la voix de Dieu à travers son Esprit Saint. (Matthieu 12:31)

DIEU CHANGE FACILEMENT SON PLAN, REVIENS SUR SA DECISION SI QUELQU'UN SE REPENT ET RENONCE AU PECHE.

"Lorsque je dis au méchant: Tu mourras! s'il revient de son péché et pratique la droiture et la justice, s'il rend le gage, s'il restitue ce qu'il a ravi, s'il suit les préceptes qui donnent la vie, sans commettre l'iniquité, il vivra, il ne mourra pas.Tous les péchés qu'il a commis seront oubliés; il pratique la droiture et la justice, il vivra." (Ezéchiel 33:14-15)

Chers frères et soeurs, Dieu cherche des burundais qui peuvent se tenir à la brèche et proclamer le  Nom Puissant de Jésus Christ, marcher selon sa volonté puisque c'est Lui qui donne la paix réelle, pas celle que le monde donne. Dieu ne mélange point sa bénédiction avec l'amertume. (Proverbes 10:22)

Dieu l'a fait pour moi, Ninive, Saul-Paul le persécuteur, le malfaiteur-brigand sur  la croix, Simon le magicien et bien pour d'autres , et Il le fera pour toi.
Tiens-toi à la brèche et réponds à l'appel de Dieu comme le fit Esaie: "Me voici, envoi-moi."

Glossaire: Se tenir à la brèche:Avoir du souci, être actif, être concerné par quelque chose.

Inkomezi z'abubaha Imana ku gihugu c'Uburundi

Barundi Barundikazi, ntidusinzire: Dusengere Inamanshingamateka y'Uburundi kuko nirwo ruganda rufatirwamwo ingingo n'amategeko biraba ubuzima bw'igihugu. Dusengere inzego zose z'igihugu.

Dusenge cane kugirango indongozi ziriko ziratorwa zize zirangwe n'ibi:"bashoboye guca imanza zibereye, bubaha Imana, b'abanyakuri, inyankamugayo, banka ingurire(igiturire)". Kuvayo/Exode 18:21

Uravye ijambo ry'Imana ryerekana ko ari kuva ku ndongozi zo hejuru gushika kuzo hasi nka ba  nyumba kumi:"...uheze ubakuze, babe bakuru bo kuganza abantu, bamwe igihumbi-igihumbi, ...abandi cumi cumi(nyumbakumi)." 

Mukristu, wibuke ko twahawe ububasha, mugihe duhimbaye Imana, ko ico tuboshe mw'isi no mw'Ijuru kiba kiboshwe, kandi ico tubohoye mw'isi no mw'Ijuru kiba kibohowe; kandi ico dusaba cose duhuje imitima Imana irakidukorera (Matayo 18:18-19). Ikindi naco tumenye ko twahawe ibango ryo guserukira Ijuru aha mw'isi, turi aba 'Ambassaderi', utugena muri ayo mabanga nawe ni Yesu Kristu. 2 Korinto 5:20 . 

Twirinde ntitube inyankaguhanwa, ntidute ijambo ry'Imana, ntitwifatanye na bandanyangu, abasuma, n'abasambanyi, twirinde amajambo mabi yo gutukana, kuvuga nabi abandi, kurementanya. Zaburi 50:16-20

Turabe rero mission Imana iduha ntitwivange ngo twifate uko tutari tugata intumbero y'Ijuru. Ivyo dukora vyose rero tubikore mw'Izina ry'Umwami n'Umukiza wacu Yesu Kristu. AMEN

AMACAKUBIRI Y'AMOKO AKURWAHO N'UMUSARABA (Abanyefeso 2:11)(1)

"N'ukuri n'izacu ntimba yishizeko, n'iyacu mibabaro yikoreye; ...Yamara yacumitiwe ivyacu bicumuro, yajanjaguriwe ivyacu bigabitanyo: Igihano kituronkesha amahoro cabaye kuriwe, kand'imishishagu yiwe niyo idukiza. Twese twazimiye nk'intama, twese twagiye isabagire, umuntu wese mu nzira yiwe; Uhoraho amuremeka ukugabitanya kwacu twese." Yesaya 53:4-6

Mbega biramaze kugushikira ukumva uranse umuntu kubera mutari mu murwi umwe (Ubwoko, intara, ishirahamwe, idini, umugambwe,...)? Biramaze gushika ukumva wonezerwa n'urupfu rw'uwo wiyumvira ko akwanka? Biragushikira ukumva uranezerewe kubera wumvise ko umuntu utiyumvamwo ashikiwe n'ivyago?

Ivyo vyose nivyaba bimaze kugushikira umenye ko wavangiwe n'umwansi Satani kandi Mpwemu Yera w'Imana ntari muri wewe. Yaramaze kuguteragiramwo INZIGO y'akazikira (la Haine). Iyo umaze kugira inzigo y'akazikira nta rukundo uba ukigira muri wewe kuko urukundo rugira neza, ntirwiciraho, rugira imbabazi, ruharira vyose...(1 Korinto 13:4-7). Iyo urukundo ruguhezemwo ntaho uba utandukaniye n'mubeshi, umgarariji hamwe n'umwicanyi.

Turavye muri Bibiliya turabona umuntu yitwa YONA yarafise inzigo y'akazikira kuburyo yifuza ko abo yabona ko abamwanka biwe bahona (Yona 1:1-3). Ntiyanashaka ko bokwihana kuko yarazi ko bihanye Imana ibabarira kuko yuzuye imbabazi nyinshi zamaho ibihe bidashira (Zaburi 118:1). Imana yamutumye kubaburira ngo bihane aranka arata agati. Mu nyuma yaranababaye abonye Imana ihariye abo yita abansi biwe araraka aca abona ko akwiye gupfa akavaho kubera Imana ihariye Ninewe (Yona 4:1-3). Ijambo ry'Imana rivuga ngo tugire umutima umwe wari muri Kristo Yesu. Mbega wewe wumva ushinze imizi muri yesu Kristo yaje kw'isi yambaye umubiri, akabambwa, agapfa, akazuka agatsinda rupfu na kuzimu? Kora ineza ijoro n'umurango nk'uko Yesu Kristo aho yaca hose yagenda agira neza. Naho wokorerwa icaha kimeze gute, Imana itubuza kwihora, kuko ariyo iduhorera.

Mu gice ca (2) tuzobona ko Imana itanezerwa n'urupfu rw'umunyavyaha ahubwo ko yama yifuza ko akizwa akava mu ngeso mbi.

KUMENYA GUHITAMWO (savoir choisir)(2)

Mbega hari inkurikizi iri mu vyo duhitamwo?
Ijambo ry'Imana riravuga riti vyose ndavyemerewe ariko si vyose bingirira akamaro ngo bigire ico vyubatse.

"Oui, tout m'est permis, mais tout n'est pas bon pour nous, tout est permis, mais tout n'edifie pas" (1 Corinthiens 10:23)

Turavye rero insiguro n'insorongoro hamwe n'inkomoko y'amajambo : Adversaire, Opposition, Opposant; dusanga ari amajambo ateye ubwoba. Umuntu rero umaze kumubwira ko uri umwansi wiwe, ko azoza avoma umena canke ko uri inzitizi mu nzira yiwe ntiyobura kugira ubwoba. Ivyo rero bica bituma nawe yama akwikeka kandi akagaba kugirango ntusenyure ivyo agerageza kwubaka. Aho rero niho duca tubonera inkurikizi mbi.

Uravye rero kw'isi canke no mu gihugu c'Uburundi, urabona ko ama Leta na Opposition vyama muri zugurzuguru. Leta ikoze iki Opposition ntigenda yemeye ko ari ciza, Opposition nayo igize iki Leta ica ibona ko hoba harimwo umutego kubera baba bitwa abakeba, canke inzitizi (opposition).

Ayo majambo akoreshwa rero nibaza ko ariyo ateye ubwoba. Ikintu kimaze kuba 'Obstacle' aba ari 'menace'.

 Umuhinga w'umunyamerika bita Walter Bradford Cannon niwe avuga ko umuntu ari imbere y'ikintu kimuteye ubwoba 'obstacle, menace', ashobora kugira inyifato zitandukanye (réactions) zitatu: 

1. kugwanya ico kintu (Combat)
2. kugihunga (Fuite)
3. kwicecekera, mpozembabaye (Indifférence)

Ivyo yabishize mu co yise Réponse combat-fuite.

Umuntu rero amaze kumenya ko iki na kiriya kimugwanya, canke ari inzitizi ntashobora kurya ngo aryame, yama ahagaritse umutima. Ivyo rero biranasa n'igihe umuntu akubwiye ati ndakwanka (Je te hais).

Aho duca tubonamwo urwanko (La haine). Uravye rero muri ya majambo twabona turasangamwo irindi jambo (aversion), no mu rwanko iryo jambo uravye muri kazindutsi riragaruka, kandi biboneka ko umuntu ameze uko nta neza aba yifuriza uwundi bahiganwa. 

Urwanko burya narwo rujana n'inzigo, ishari. Abarundi nabo barayamaze bati "Ishari rikubwira riti ica uwawe wamara kumwica rikigira" . 

Uravye rero muri ya majambo twasobanura aho hejuru, usanga rero uwo twita 'Opposant' ataho atandukaniye n'umwansi, inzitizi, igifashi, mu gihe umuntu yihweje inkomoko y'ayo majambo y'amatirano yazanye n'indege canke n'ubwato. 

Abandi uzosanga bita Opposition ngo ni abatavuga rumwe na Reta. Ico kica kitugarukana kuri kimwe twabona co guhana imigongo; ico gihe nta werekwa uwundi. Umwe ivyo abona sivyo uwundi abona kuko ntibaba baraba hamwe. Icoba ciza n'uguhanurana, ugize agatosi mu vyo akora tukamuhanura mu burwaneza.

Uwo munyabwenge Bradford Cannon, arerekana ko muri vya bintu bitatu umuntu ashobora gukora ngo yigwaneko, ashobora kugira umwitwarariko urengeje ivyo navyo bigatuma ashobora kugira 'stress' kubera yabuze ico afata n'ico areka. Muri ico gihe rero ubuzima bw'umuntu burashobora guhungabana, agashobora no kugwara mu buryo butandukanye.

Bradford Cannon rero aratanga zimwe mu nkurikizi mbi umuntu ashobra kugira ku magara yiwe:

• Kwuzura inda (Constipation)
• kumeneka umutwe (maux de tête)
• Kubura akayabagu (Anorexie): muri ico gihe umuntu amera nk'umugore ari mw'irekwe.
• Ubugabo burahera (Impuissance sexuelle, frigidité)
• ...

Ivyo rero iyo umuntu abimazemwo igihe kirekire birashobora gutuma ahungabana mu mutwe (Troubles mentaux), bigatuma umuntu ata umutwe bimwe bita gupanika ( Trouble panique).

Harya rero ngo akababaje umutima kababaza n'umubiri. (Ce qui touche l’âme touche aussi le corps)

Iyo rero umuntu ababaye k'umutima kubera umwitarariko mwinshi ashobora guhinduka ku mubiri. Ibimenyetso navyo ni nk'iki:

• Kumera imvi z'igitamwaka (cheveux blancs prématurés)
• kwonda canke gutakaza ibiro (perte de poids)
• Kuba nk'umuragi (perte d'audition)
• kugwara mu nda (trouble digestif)
• Umutima utera nabi, indihaguzi z'umutima (Accélération du rythme cardiaque et de la respiration)
• ...

Haragera rero n'igihe umuntu yigunga, akumva yohunga mu kibano (auto-isolement social) canke kimwe wa muhinga Bradford Cannon yita guhunga (fuite). umuntu amaze guhunga mu muryango duca twumva inkurikizi ziba no ku muryango ndetse no ku gihugu kuko uwo muntu ntaco aba agikora; aca asa n'umuntu atabaho. Kandi ngo 'pierre qui roule n'amasse pas mousse'. 

Icoba ciza rero kubwanje nohitamwo ijambo "Concurrent canke Compétiteur". Ayo majambo yerekana ko abantu bariko barahiganwa badahezanyayo, utsinze agatwara umudari, utsinzwe agasubira mu mukenyuro wo kwimenyereza neza kugirango kumbure ikindi gihe azotsinde.

Impanuro notanga kuri aba n'abandi ni uko twokwirinda kwiyita 'Opposant canke Adversaire' kuko n'amajambo atera ubwoba abo tuba turiko turahiganwa.

Naturellement les mots Opposant ou Adversaire font peur aux uns et aux autres. Au contraire les mots 'Concurrent ou Compétiteurs' sont doux à l'oreille.

"Les Paroles agréables sont un rayon de miel, Douce pour l’âme et salutaires pour le corps" (Proverbes 16:24)

"Une réponse douce calme la fureur, Mais une parole dure excite la colère." (Proverbes 15:1)

Kubera iki twitana Abakeba canke Abatavugarumwe hanyuma ngo dushaka amahoro canke ngo twonse rimwe?!!!!  Tuve mu budyadya turangwe n'ukuri kuko niho tuzoba abidegemvya. Uteye igitoke wamura igitoke ntabwo wamura imyembe.

Satani ntiyigendera yama agira ico yuririko. Kubera iki tutohindura ayo majambo yazananye n'indege tugakoresha amajambo y'imbabarira gutwi. 

Fyonda aha usubire ku gice ca 1

KUMENYA GUHITAMWO (Savoir choisir)(1)

Mbega muri ino si birashoboka ko ico abantu bihitiyemwo kibakurikira canke kibagirako ingaruka?

Kubera iki ama Reta na Oppositions vyo mw'isi vyama muri zuguruzuguru. Kubera iki ivyo bintu bibiri bitemerana. Kubera iki bitinyana? Umwe ahp aciye uwundi aratema!

Umunyabwenge umwe niwe yavuze ati : "L'homme est le produit de son propre choix"

Tubishize mu kirundi twovuga duti :"Umuntu niwe yiha izina canke ubuntu burihabwa"

Ijambo ry'Imana riravuga riti:

"Ntimukishushanye n'ivy'iki gihe, ariko muhinduke muvy'ubwenge, kugirango mumenye ubugombe bw'Imana, mumenye iciza, ikibereye" (Abaroma 12:2) (Romains 12:2)

Biragoye rero ko umuntu amenya ikintu kibereye mu gihe atubaha Imana ngo agendere mu vyagezwe vyayo.

Turabire hamwe insiguro y'amajambo abantu bakunze gukoresha mu ndimi z'imvamahanga:

1. Adversaire
2. Opposition

Uravye iyo abantu bariko barakoresha ayo majambo ubona ataco bibatwaye kandi bayishimiye.

Abakinyi b'umupira hari igihe babita abakeba (adversaires). Iyo bamaze kuba uko rero sinibaza ko ikipe iyi canke iriya iba yifuza ko iyindi ikomera. Icoba ciza haba kubakinyi canke kubafana ni uko équipe adversaire iba faible. Equipe adversaire siyo ihimiriza iyo bikina ngo ko mutagira imyimenyerezo.

Turabe rero insiguro ya adversaire muri kazinduzi (dictionnaire):

Adversaire: Ennemi (Umwansi), opposant.

Ennemi: Qui hait quelqu'un, qui veut du mal à quelqu'un.

                 Qui a de l'aversion(sentiment d’éloignement et de répugnance), de l’antipathie(aversion instinctive), de l'éloignement pour quelque chose.

Opposant/opposition: Obstacle, difficultés qu'on oppose. Parti qui s'oppose à l'action du gouvernement.

Turavye rero ngaho hejuru, ntabwo bavuga ngo Parti qui s'oppose à la mauvaise action du gouvernement. Bavuga juste 'à l'action'. Ico cerekana ko ari mu kivunga: Vyaba vyiza canke bibi, vyose birarwanywa.

Opposition = Situation de deux astres dont les longitudes géocentriques diffèrent de 180 degrés. Contraste.

Aho naho tubona ko ari nk'ibintu bibiri bihanye imigongo. Niba kimwe kiduze, ikindi kiramanuka. Ntivyigera na gato bifata inzira imwe.

Opposer: Mettre une chose de manière qu'elle fasse obstacle(Ce qui arrête, ce qui oppose, ce qui empeche).

Tuvuze obstacle rero ni inzitizi canke igifashi. 

Iyo uravye rero nko kw'isi usanga mu buzima bwa politike abatari mu ntwaro baca bavuga ko bari muri 'opposition' canke ngo ni aba Opposants.

Mugice ca (2) tuzorabira hamwe nimba amajambo abantu bemererwa gukoresha hari inkurikizi mbi afise canke yubaka.

Ayons confiance en Dieu

 ".... Celui qui demeure en moi et en qui je demeure porte beaucoup de fruit, car sans moi vous ne pouvez rien faire." (Jean 15:5)

Chers Burundais, Dieu nous demande de faire confiance en Lui en toutes circonstances afin que toutes nos entreprises réussissent. (Psaumes 1:3)

Certains leaders de ce monde ont tracé une ligne de conduite pour leurs rejetons et ces derniers semblent suivre cette ligne sans ombrages. Voici l'engouement des puissants de ce siècle:

"Les Etats n'ont pas d'amis, ils n'ont que des intérêts" dixit Général de Gaulle.

"L'histoire est une suite de mensonge sur les lesquels on est d'accords". Napoléon Bonaparte.

Voilà la croyance et la conviction mondaine. Ces confirmations nous tracent l'image du monde d'aujourd'hui et n'ont rien à avoir avec la volonté de Dieu qui nous demande d’être caractérisé par la vérité et non le mensonge. Dieu nous appelle de faire preuve de l'altruisme et éviter des intérêts égoïstes.
Nous devons aimer sans condition. Dieu nous demande même d'aimer nos ennemis et ne pas les faire du mal puisque la vengeance Lui appartient. Nous vous hâtez pas à faire le mal à votre voisin.

A nous les burundais de juger ce qui est bon pour nous avant de choisir les étrangers soient-disant forts comme alliés. Soyons les alliés de Dieu.

"Quant à ma famille et moi, nous servirons l'Eternel". (Josué 24:15)

Ayons confiance en Dieu, Créateur des cieux et de la terre. Les autres chemins sont pleins d'impasses et n'ont pas d'issue.

Ushigikiwe n'intare aravoma.

Urashaka gukira imyampi y'abansi bagusugereje? Ihane uve mu vyaha. Maze ureke Intare yo mu muryango wa Yuda ikugwanirire, uwo ni Yesu Kristu. Zaburi 28:7

Hari igihe umuntu asugerezwa nka kumwe umwami dawidi vyaza biramubako, ariko kubera yari yegamiye umugabo akomeye, Imana, yaguma anesha abansi biwe. 

Ehe nawe raba muri (2 Samweli 22) uko ashimira Imana kubera yamutabaye. abansi biwe bari bamukikije kurya ijuru ridukikije ariko Imana yaramugwaniriye kubera yayihimbaye (2 Samweli 22:21).  

Mbega umuntu ahimbara Imana gute? 

Umuntu wese iyo yitandukanije n'icaha agakora ineza ku bantu bose akarenganura impahazwa aba ahimbaye Imana. Nta muntu rero ahimbara Imana ngo nayo imutererane. (Psaumes 1:1-3), (Daniyeli 4:27)

Barundi bavukanyi ntayindi nzira iriho yo gukira imyampi y'umwansi Satani n'abakozi bayo atari guhungira muri Yesu Kristu tukozwa n'amaraso yiwe.

Prions les uns pour les autres, prions pour notre pays (1)

"Confessez vos péchés les uns aux autres et priez les uns pour les autres, afin que vous soyez guéris. Quand un juste prie, sa prière a une grande efficacité." (Jacques 5:16)

Notons quelque chose dans ce passage: avant de prier pour les autres il faut d'abord qu'on soit acquitté du péché et Dieu pourra alors entendre nos sollicitations. L'exemple le plus frappant se trouve en psaumes 51 où David, avant de demander à Dieu quoi que ce soit, commence par confesser ses péchés (psaumes 51:1-11). Ensuite, il demande à Dieu de lui créer un cœur pur, sans péché, ainsi que de faire renaître en lui un esprit bien disposé à recevoir les instructions divines. David demande aussi à Dieu de lui remplir son Esprit Saint et cette requête est suivie par la demande du rétablissement de la joie du salut; notons bien ici la joie du Salut. Ce n'est n'importe quelle joie. (psaumes 51:12-14)

La Bible nous montre que c'est difficile que quelqu'un prie pour le changement des autres alors que lui même il est entaché d’irrégularités spirituelles. (Matthieu 7:3-4) 

ces versets nous montrent clairement que quelqu'un qui veut prodiguer des conseils aux autres doit s'assurer qu'il mène une vie sans reproche. 

"Hypocrite!Commence dons par retirer la poutre de ton œil, alors tu y verras assez pour ôter la sciure de l’œil de ton frère". (Matthieu 7:5)

David savait qu'en étant pardonné de ses péchés, qu'en étant rempli du Saint Esprit et de la joie du salut, il pouvait alors donner conseils aux autres et prêcher la parole de Dieu en proclamant la bonne nouvelle du Salut afin que les pécheurs reviennent à Dieu. (Psaumes 51:15). 

La guérison vient en confessant nos péchés et en priant pour le bien être spirituel des autres. Réfléchissez-y

Abavugishwa, ubuhanuzi (7)

Tumaze imisi twungurana ubumenyi kubijanye n'Abavugishwa, kandi twarize vyinshi bijanye n'ukuntu umukristo yokwifata mu gihe yumvise ubuhanuzi.

Ariko rero, birashika ugasanga wewe wagiriwe amahirwe yo gusangira nanje Ijambo ry'Imana kubijanye n'ubuvugishwa ukaba udasobanukirwa neza canke bikanashika ukaba warasobanukiwe n'ico ijambo ry'Imana rivuga. Naho bir'uko, ejo urashobora gushikirwa n'izindi nyigisho, hamwe ukumva nizo ahandi ukagira amakenga. None mur'ico gihe Ijambo ry'Imana riduhanura iki?

"Kuko ariko Uhoraho abariye inzu ya Isirayeli, ati Abe ari jewe musiguza, kugirango mubone kubaho"  (Amosi 5:4)

Mbega iyo uzazaniwe ubaza nde? Ubandanije usoma urabona ko abantu benshi ico gihe baja kubaza ibijanye n'ibihe ba kamenyi i Beteli, Girugali (Amosi 5:4-6). Kenshi barajuragizwa bakabura ico bakora n'ico bareka. Hari abantu benshi bigira abavugishwa n'Imana ariko vy'ukuri baba bagamije kuzimiza ubwoko bw'ab'Abisirayeli. Muri kino gihe abantu bizera cane ivyo babwiye n'Abavugishwa kandi bakanatako bakabishira mu ngira, ata makenga, ata no gusiguza Imana.

None ko Imana itwemerera kuyisiguza, kuber'iki tuguma tujuragirika ngo Abavugishwa bavuze ibi canke biriya. Kandi no mur'abo nyene twita Abavugishwa baravuguruzanya bati uriya nta kuri agira canke ngo ntiyatumwe n'Imana, umwe wese agashaka ko ivyiwe arivyo vy'ukuri.

Icitonderwa: Niba ufite inyota yo kugendera mu muco, wame wiyeza, wihane ivyaha ninaho ushobora gusiguza Imana ikakwishura.

Niwaba naho utarakira Yesu Kristo nk'Umukiza n'Umwami w'Ubugingo bwawe, bikore uyu musi kuko ejo ni kera.

Ndizera ko ivyo ijambo ry'Imana ryatwibukije kubijanye n'ubuhanuzi canke Abavugishwa bigiye kudufasha mu kwirinda kugwa mu mutego wa Satani, atakindi arota atari Kwiba, Kwica no Gusambura. 

SIGUZA IMANA

Abavugishwa, Ubuhanuzi (6)

Mbega Abavugishwa bavuze ibintu bigashika uko babivuze twoca tubizera ko ar'ab'ukuri?

"Muri mwebwe nihāduka umuvugishwa cank'umurōsi, akabaha ikimenyamenya cank'akababarira igitangaza, ico kimenyamenya canke ico gitangaza kigashika, ico yababariye, ati nicashika tuze tugendanire izindi mana, tuzisabe; kand'ar'imana mutigeze kumenya; ntimuze ntimuze mwemere amagambo y'uwo muvugishwa canke y'uwo murōsi, kuko Uhoraho Imana yanyu azoba abagerageza, ngw'amenye yuko mumukundisha imitima yanyu yose n'ubugingo bwanyu bwose." Gusubira mu vyagezwe 13:2-3

Aha turabona ko bashobora kuvugishwa canke kurōta ibintu bigashika. Ariko dukwiye gusuzuma ko uyu muntu adasenga izindi mana. Ivyo iyo twitonze tukagenzura abo bantu usanga bimwe mu bikorwa bakora canke mu vyo bavuga biri kubiri n'ivyagezwe vy'Imana. Mu bihe vya kera abantu nk'abo baca babica kandi n'uno musi hariho amadini yemera ko wishe umuntu afise izindi nyigisho zitandukanye n'ivyo wemera ko akwiye kwicwa, ariko kubera ubuntu bw'Umwami wacu Yesu Kristo urubanza rwo gupfa yarukuyeho. 

Hariho nk'abagabo babwira abakobwa ngo bajane mu cumba c'amasengesho basengereyo babambaye amenya , ubusa bakabatota imiti ngo bariko baraboza ivyaha. Biranashika bakababwira ko Imana yababwiye ko bategerezwa kuryamana nabo kugirango babakure umuvumo w'icaha c'ubusambanyi baba baraciyemwo. Kandi abatari bake baramaze kugwa muri bene iyo mitego. Eka hari n'ababwira abagore canke abagabo bubatse ingo zabo canke abacaguranye ko ataribo Imana yabageneye ugasanga barasambanye n'abo biyita abavugishwa. Mu bisanzwe baba bariko bakorera izindi mana atari Imana Rurema yaremye Ijuru n'isi n'ivyuzuyemwo vyose. Abandi usanga buzuye imvugo z'amacakubiri n'izingo y'akazikira. Abandi nabo usanga bahimiriza cane abantu gutanga ivyabo ko ariho kugirango babasengere. Utagize ico atanga ntibamusengera. Abakristo benshi rero birabagora kubahinyura kuko baba bakoreye ibitangaza imbere y'amaso yabo canke bakababwira ivy'ubuzima bwabo bwose, n'ivyo umuntu yari yibaza ko ari we wenyene abizi. Dukwiye kumenya ko Satani azi ivyacu vyose ducamwo mu buzima bwacu bwo ngaha kw'isi. 

Woba umaze kubibona aho ubaye? Nimba uzazaniwe uri umukrito kubera inyigisho z'Abavugishwa ukabura ico ufata n'ico ureka, urasoma igice ca (7) uzoronka inyishu.

Bandaniriza ku gice ca (7)

Abavugishwa, Ubuhanuzi (5)

Ijambo ry'Imana ntidukwiye kurigira muri twebwe rigwiriye gusa, ariko dutegerezwa no kuryamizako umutima ijoro n'umurango. 

"Hahirwa umuntu atagendera mu nama z'ababi, aticarana n'abacokoranyi. Arikw'ibimuhimbara biri mu vyagezwe vy'Uhoraho, kandi ivyagezwe vyiwe nivyo ashirak'umutima ku murango no mw'ijoro." Zaburi 1:1-2

Mu gihe umuntu adashize umutima ku vyagezwe vy'Imana akanya ku kandi, ntamahirwe ashobora kugira kuko yama ajana n'ibije, akajuragirika. Mbega abo babi tubona ni bande? Ni babavugishwa b'ibinyoma, kandi ni nabo bacokoranyi kuko usanga banegura bakanasuzugura cane abakozi b'Imana. 

Benshi mu banyisirayeli bo mu gihe ca kera barajuragirika kuko muribo haraza abavugishwa benshi bakababwira ibi na biriya bamwe bakabura ico bafata n'ico bareka. Vyarabagora cane gutandukanya abavugishwa batumwe n'Imana vy'ukuri bo n'ab'ibinyoma.

Kugirango bashobore guhangana n'abo bavugishwa vyabaye ngombwa ko basubira mu vyagezwe vy'Uhoraho.

"Umuvugishwa azogira ico avuze mw'izina ry'Uhoraho, hanyuma ntikibe, ntigishike; ico kizoba kitāvuzwe n'Uhoraho: uwo muvugishwa azoba yahāngāye kucigenera: ntimuze mumutinye." Gusubira mu vyagezwe 18:22

Aha ijambo ry'Imana ritwereka ko tudakwiye kugira ubwoba ngo tubatinye. None bavuze ibintu bikaba duce duhuta kwizera ivyo bavuze?

Haba namba! Dukwiye gusuzuma ijambo ry'Imana neza tubifashijwemwo na Mpwemu Yera. Hari abavugishwa ibintu bikaba, ariko ku ruhande ugasanga bafise izindi nyigisho zidahuye n'ijambo ry'Imana. Mu gice gikurikira turabona uko twobamenya.

Turabe ico Ijambo ry'Imana ribivugako mu gice ca (6)

Abavugishwa, Ubuhanuzi (4)

None twomenya dute abavugishwa n'Imana kw'ar'ab'ukuri?

"Iki abe arico kibamenyesha Mpwemu w'Imana; impwemu yose yatura Yesu Kristo ko yaje afise umubiri, iba yavuye ku Mana, kandi impwemu yose itatura Yesu irtyo ntiba yavuye ku Mana: Kandi iyo mpwemu iba ari iya Antikristo, iyo mwumvise ko izoza kandi iramaze gushika." 1 Yohana 4:2-3

Aha muraraba neza! Naho abavugishwa bashobora kuza bitwaje izina rya Yesu Kristo, birakwiye ko tubasuzuma tukamenya koko ko iyo mpwemu ibarimwo iva ku Mana. Umuvugishwa w'ibinyoma ashobora kuvuga izina rya Yesu Kristu ariko ntashobora kwatura ko Yesu Kristu yaje afise umubiri ngaha mw'isi, akabambwa k'umusaraba kubera ivyaha vy'abantu, agapfa, akazuka intsinzi inyuma y'imisi itatu, hanyuma akaduga mw'Ijuru. None wewe nimba mwarahuye nabo uramaze kubasuzuma maze bakatura n'akanwa kabo ivyo tumaze kuvuga? Kandi kwatura ikintu ni ukuvuga ko umuntu ari yivugira ubwiwe. Ntabwo umubaza nawe ngo aze aravuga ngo Ego canke Oya. Ategerezwa kuvyiyaturira we nyene ubwiwe. 

Ico maze kubona co iyo ari impwemu mbi, uwo muntu aca ashavura, akagutega imisi, akakubwira ko utategerezwa kumubaza n'ikintu na kimwe ko uriko urapinga Imana. Ntuze ugire ubwoba Imana iratwemerera gusuzuma impwemu twisunze ijambo ry'imana. uwo ni umurongo canke akarimbi Imana yaciye (kwatura ko Yesu Kristo yaje afise umubiri) kandi Satani ntashobora kuwurenga. 

Ariko rero hariho n'abandi bantu ivyo vyose bavyatura bakoresheje ubwenge bwabo ariko ari indyadya kandi kubera baba bironderera amaronko. Abo nabo rero tubasanga mu gitabo c'Abaroma . Bareruye basa n'abantu bahebwe n'Imana kuko biyemeje kugendera mu bu dyadya, bakaba ba mpemuke ndamuke. Abo rero uca ubamenyera ku vyo bama. Abantu nk'abo ntaco baba bacera, ivyagezwe vy'Imana babirenga babibona.

"Kandi nk'uko banse kumenya Imana mu mitima yabo, niko Imana yabahevye ngo bagire imitima y'akāhebwe, bakore ibitabereye,...Abo, naho bāmenye urubanza Imana ica, yukw'abakora ibisa birtyo bakwiye gupfa, ntibabikora gusa, ariko batako bagashima n'ababikora". Abaroma 1:28,32 

Abavuzi canke abaganga bafasha abagwayi bo mu mutwe canke bafise ingorane z'imibano usanga bafise ubuhinga (methodes) butandukanye bwo kumenya ingorane umuntu afise bagaca bamenya uko batorera inyishu ingorane uwo muntu aba afise. Iyo bisunze ubuhinga bumwe gusa usanga ataco bashobora gufasha abagwayi. Natwe rero nk'Abakristo turakwiye kugira ijambo ry'Imana rigwiriye muri twebwe, kuko iyo dufatiye ku murongo umwe gusa wa Bibiliya usanga dushobora guhendwa vyoroshe. Ni vyiza rero ko tugira ijambo ry'Imana rigwiriye muri twebwe.

"Ijambo rya Kristo ribe muri mwebwe rigwiriye, ririmwo ubwenge bwose" Ab'I Kolosayi 3:16

Muri Hoseya 4:6 turabona ko Imana ivuga ko abantu baranduka canke bahona kubera kutagira ubwenge. Ubwenge ni ukuvuga Ijambo ry'Imana. Umuntu iyo amaze guta ubwenge aca akora ibitaroranye. Kugirango umenye umukristo yataye ubwenge mu buryo bw'impwemu nuko uba uzi Ijambo ry'Imana, ukumvira Mpwemu Yera kuko ariwe adufasha kuritahura. 

Abakristu duhimirizwa cane kwitaho kumenya ijambo ry'Imana kuko nico kirwanishwa gikomeye gituma umwansi atotuvogera uko yishakiye. Iyo Umukristo atazi ijambo ry'Imana aravogerwa cane n'inyigisho z'ibinyoma. Abakristo dutegerezwa kwamiza Ijambo ry'Imana mu mitima yacu na ntaryo kugirango inyigisho turonka tumenya nimba zihuye n'ivyo Imana igomba.

Tubandanye mu gice ca (5)

Abavugishwa, Ubuhanuzi (3)

"Kuko hazokwaduka abigira Kristo n'abigira abavugishwa n'Imana, bagakora ibimenyetso bihambaye n'ibitangaza, kugirango bazimize n'abatoranijwe nivyashoboka". Matayo 24:24

Mbega abavugishwa twokwemera ivyo bavuga kubera ibitangaza vy'akumiza bakora?

Ihibambewe! Ntitwohuta twemera ivyo bavugishijwe kubera batubwiye ivyacu canke bakoze ibiboneka nk'ibitangaza nko gusengera abagwayi, kuzura abapfuye, gusenda abadayimoni,...kandi bakabikora mw'izina rya Yesu. 

Abakristo batari bake bumvise umuntu avuga izina rya Yesu wese baca bibaza ko bari kumwe. Bizera ko atawukoreshwa n'impwemu mbi yovuga izina rya Yesu. Ariko Yesu aragabisha Abakristo biciye mw'Ijambo ry'Imana muri Bibiliya:

"Kuko benshi bazoza mw'izina ryanje, bati Ni jewe Kristo, kandi bazozimiza benshi". Matayo 24:5

Ijambo ry'Imana rirerekana ko bazoza ari benshi. Mbega aho uherereye hari abavuga ko ari abavugishwa umaze kubona? Wahise wizera ivyo bavuga kubera ibitangaza ubona bakora canke waragize amakenga urasuzuma? 

Bandanya usoma igice ca (4) kugirango umenye

Abavugishwa, Ubuhanuzi (2)

"Abo nkunda, ntimwemere impwemu zose, ariko mugerageze impwemu ko zavuye ku Mana: Kukw'abigira  abavugishwa n'Imana benshi bādutse mw'isi." 1 Yohana 4:1

Bamwe mu bavugishwa ntibemera ko hari ubabaza ibibazo na cane cane ushingiye kuri Bibiliya. Baca baterana ubwoba. Kandi abantu benshi usanga babatinya bakemera ivyo bababwiye vyose. Ariko turabonye neza ko Bibiliya idusaba gusuzuma kugirango tutagwa mu caha kubera ukutamenya.

"Abantu banje baranduwe no kutagira ubwenge: Wewe ko wataye ubwenge nanje nzoguta, ......ko wibagiye ivyagezwe vyanje, Imana yawe, nanje nzokwibagira abana bawe". Hoseya 4:6

Aha rero duca tubona ko umukristu adashobora gusuzuma ubuhanuzi mu gihe atazi ijambo ry'Imana. Abazi gusoma bogira umwete wo gusoma Bibiliya bakayiheza; si ukuvuga ko bayifata ku mutwe, ariko Mpwemu Yera iyo tugize amakenga canke twibagiye indanzi y'ijambo ry'Imana muri Bibiliya,  aca atwibutsa. Ariko umuntu yibutswa ikintu yigeze kumenya, kubona canke kwumva. Iyo umukristo atitaho ijambo ry'Imana, ivyagezwe vy'Imana aba ameze nk'umuntu yahebwe kandi n'Imana turabona ko idaheza ngo yiteho ivyiwe. Nimba ushaka kutaranduka amiza ivyagezwe vy'Imana k'umutima wawe.

Ukeneye kumenya vyinshi ubisanga mu gice ca (3)

Abavugishwa, Ubuhanuzi (1)

"Mwirinde abigira abavugishwa n'Imana; baza kuri mwebwe bambaye nk'intama, arikw imbere ari amabingira y'inkazi." (Matayo 7:15)

Ubu kw'isi hari abagenda bavuga ko bavugishwa n'Imana, ko bafitiye ubutumwa uyu canke uriya ndetse n'ibihugu. None nk'Abarundi b'Abakristo twemera ijambo ryahumetswe n'Imana dusanga muri Bibiliya ibihe nk'ivyo twovyifatamwo gute? Mbega twokwemera ubuhanuzi bwose uko tububwiwe? Mbega twogira amakenga? Twomenya uyu canke uriya ko avuga ukuri canke ibinyoma gute?

Reka turabire hamwe ico ijambo ry'Imana rivuga ku buhanuzi:

Ijambo ry'Imana riratwereka neza ko Abakristu badakwiye gukengera canke gufata minenerwe ivy'abavugishwa n'Imana.. Ariko kandi ijambo ry'Imana risaba Abakristu kugerageza gushishoza nimba koko ubwo buhanuzi buba bwavuye ku Mana, kugirango tutanyerera ku rurimi tukagwa ku mutima. 

"ntimugakengere ivy'abavugishwa n'Imana; mugerageze vyose, mugumye ivyiza, mwirinde icitwa ikibi cose".  (I Ab'I Tesalonike 5:20-22)

Mururimi rw'igifaransa ijambo kugerageza ikintu ni 'Examiner ou Tester'. Ni ukuvuga gusuzuma ko ikintu arico canke atarico.

Tuzobandanya twungurana ubumenyi mu gice kigira (2)

Ubushobozi bwo gusenga no kwisonzesha

"Ariko ben'urya (umudayimoni) ntakurwamwo n'ikindi atar'ugusenga no kwisonzesha" (Matayo 17:21)


Kenshi mu buzima bw'umukristu hari ingorane ziba ziboneka nk'umusozi umubuza gutera aja imbere. Iyo rero hari ingorane zibonetse umukristu ategerezwa gusenga no kwisonzesha kugirango impwemu mbi ziba zateje izo ngorane zisendwe.

Mbega Murundi uriko urasoma iyi nkuru, hari ingorane canke amagorwa woba ubona abangamiye abandi canke igihugu cawe? Senga bifatanije no kwisonzesha bifatanije no gukenguruka kandi nturabe abantu ngo nibo bateza iki canke kiriya ariko uwubakoreramwo ariwe wa murwanizi Satani niwe abateza gukora ibibi. Umukristu akwiye gusenga akanisonzesha kugirango impwemu mbi ziba ziriko zirakorera mu bantu zihunge. Iyo hari ijwi rikubwira ngo naka ni mubi ca uribwira uti mvako Satani, kuko niwe se w'ibibi vyose.

Umukristu ntakwiye gutunga agatoke aba canke bariya, ariko akwiye gusenga kugirango Imana yirukane impwemu mbi ziba zateye imitima yabo.

Iyo satani adukoresheje mu kunegura tweruye abandi aba atunesheje, kuko umuntu ashobora gucumura mu gucira imanza abandi.

Iyo hari icaha tubona ko catse indaro dukwiye gusenga tukanisonzesha kugirango haboneke intsinzi.

Intasho z'umwaka mushasha wa 2015

Barundi bavukanyi,

Ndabaramukije mw'izina ry'Umwami wacu Yesu Kristu.

Amahoro n'imigisha biva ku Mana bibabeko muri uno mwaka wa 2015.

Ndabifurije kwitondera ivyagezwe vy'Imana, mutandukane n'icaha cose, gusenga ibigigwamana n'ububi bwose bushingiye ku rwanko n'inzigo.

Ijambo ry'Imana riravuga riti: "None rero ni mwubahe Uhoraho, mumusabe mu vy'ukuri ata buryarya; mukūreho za mana ba sogokuruza bāsaba hakurya ya rwa ruzi no muri Egiputa, Uhoraho abe ari we musaba. Kandi namba mubona bibabangamiye gusaba Uhoraho, uyu musi ni mwitoranirize uwo muzosaba, namb'ari za mana ba sogokuruza bāsaba hakurya ya rwa ruzi, cank'imana z'Abamori ben'iki gihugu murimwo; ariko jeho n'abo mu rugo rwanje tuzokwama tugendanira Uhoraho" Yosuwa 24:14-15

Gukorera Imana si agahato. Umuntu ahitamwo we nyene ubwiwe. Wewe uriko urasoma iri jambo ndakwifurije intango nshasha ya 2015. Uze ukubere umwaka wo gukirizwamwo wakire Yesu Kristu nk'Umwami n'umukiza wawe. Nimba warakijijwe ndakwifurije gukura no kwagukirwa mu vy'Imana.

Ntimurondere gushimwa canke gushimisha abantu, ariko murondere gushimwa no gushimisha Imana Rurema yaremye ijuru n'isi n'ibirimwo vyose. 

"Mbega ubu ni ishimwe ry'abantu ngomba, canke n'iry'Imana? canke se ndondera kunezereza abant, simba nd'umugurano wa Kristo" Abagalatiya 1:10

"Uku niko Uhoraho agize, at'aravumwe umuntu yishimira abantu, akizigira inkomezi z'abari n'umubiri, umutima wiwe ukava k'Uhoraho" Yeremiya 17:5

Nimba hari ibikugoye (amashure, akazi, agakengere,...) ukwiye kuvyereka Imana. Abantu bo ni babarashukana. Turabona ko umuntu atagendera mu vyo Imana igomba ata ciza kimuzako namba. Yeremiya 17:6

Wibuke ko niwizera Imana ico uzokora cose kizogenda neza. Yeremiya 17:7-8; Zaburi 1:1-3

Ng'izo rero imfunguzo zizokwugururira imiryango igushikana mu vyumba vy'imigisha iva ku Mana muri 2015 no kubaho kwawe kwose.

Imana ibahezagire. Amen